"ეს არის ივანიშვილის ძალმომრეობის პოლიტიკის შედეგი", — ასე ეხმაურება საქართველოს მესამე პრეზიდენტი, მიხეილ სააკაშვილი დღეს, 31 ოქტომბერს საპატრიარქოში განვითარებულ მოვლენებს.

მისი თქმით, მმართველობიდან ივანიშვილის ჩამოცილება სახელმწიფოებრივი ამოცანაა.

"მან ფეხქვეშ გათელა რწმენაც, ღირებულებებიც, ეკლესიაც, სახელმწიფო და სახელმწიფო ინსტიტუტებიც. ქვეყანაში დაამკვიდრა ქაოსი, არეულობა, შუღლი და დაპირისპირება და რუსული გავლენები. ამიტომ, სახელმწიფოებრივი ამოცანაა ოლიგარქის ჩამოცილება ხელისუფლებისაგან, რათა ქვეყანას მიეცეს ამოსუნთქვის და სწრაფი განვითარების საშუალება", — წერს სააკაშვილი Facebook-ზე.

დღეს, 31 ოქტომბერს მეუფე პეტრემ საპატრიარქოს დატოვების შემდეგ თქვა, რომ ილია მეორე პიდარასტიის, მამათმავლობის ცოდვითაა შეპყრობილი". მისივე თქმით, მამათმავლობის მხილების გამო პატრიარქმა ის მღვდელმთავრობიდან გადააყენა.

მასალაში გამოყენებული მეუფე პეტრეს შეფასება გამოხატულია ჰომოფობიური სიტყვებით, თუმცა მაღალი საჯარო ინტერესიდან გამომდინარე On.ge მის სიტყვებს უცვლელად გთავაზობთ.