"საზოგადოებას მინდა ავუხსნა, რომ დღეს რაშიც ამხილა უწმინდესი მეუფე პეტრემ ამის საქმის კურსში მთელი ეპარქიის სამღვდელოება და სასულიერო დასი ვიყავით", — აცხადებს იღუმენია თამარ გამყრელიძე. მისი თქმით, ციანიდის საქმის შემდეგ მეუფე პეტრე მისი ეპარქიის სასულიერო პირებს სინოდის სხდომის დეტალებზე ესაუბრებოდა.

"იმის გამო რომ მეუფე ებრძოდა საპატრიარქოს ამდენი წლების მანძილზე; ჩვენ რომ კითხვები არ გაგვჩენოდა, მეუფეს რა ინფორმაცია და დამადასტურებელი დოკუმენტებიც ჰქონდა, ყველაფერი ჩვენთან გასაჯაროებული აქვს", — განაცხადა მან მთავარი არხის ეთერში და განმარტა, რომ დოკუმენტებში გულისხმობს ფაქტებს "უზნეობასთან" დაკავშირებით.

მისი თქმით, მეუფე პეტრემ არაერთხელ სთხოვა პატრიარქს უზნეობების აღკვეთა. მისივე თქმით, ამ საკითხზე ის სხვა მღვდელმთავრებსაც ესაუბრებოდა, თუმცა არავინ დათანხმდა.

სინოდის სხდომის დასრულების შემდეგ მეუფე პეტრემ განაცხადა, რომ ეკლესიაში მამათმავლობის ცოდვის მხილების გამო ილია მეორემ მღვდელმთავრობიდან გადააყენა. მოგვიანებით კი აღნიშნა, რომ თავად პატრიარქია "პიდარასტიისა და მამათმავლობის ცოდვით შეპყრობილი".

მეუფე პეტრემ განმარტა, რომ სიტყვა "პიდარასტიაში" "ჭაბუკის გამხრწნელი" იგულისხმა. მისი თქმით, ეს საეკლესიო ტერმინია და სხვას ვერაფერს დაარქმევს.

მასალაში გამოყენებული მეუფე პეტრეს შეფასება გამოხატულია ჰომოფობიური სიტყვებით, თუმცა მაღალი საჯარო ინტერესიდან გამომდინარე On.ge მის სიტყვებს უცვლელად გთავაზობთ.