კორუფციასთან ბრძოლის საინფორმაციო ცენტრის თავმჯდომარე მერაბ ღოღობერიძე ამბობს, რომ პარლამენტის მაჟორიტარმა დეპუტატმა, მუხრან ვახტანგაძემ მას აგინა. ფეისბუქგვერდზე გამოქვეყნებულ პირდაპირ ეთერში ისმის, რომ ღოღობერიძეს ურეკავს კაცი, მას სიტყვიერ შეურაცხყოფას აყენებს და ემუქრება.

სატელეფონო ზარისას, სავარაუდოდ, პარლამენტარი აგინებს ღოღობერიძის დედას, დას, ცოლს. მოგივანებით კი მთელ ოჯახს აყენებს შეურაცხყოფას.

საუბრისას, ღოღობერიძე კაცს მიმართავს სახელი-გვარით და ის არ უარყოფს, რომ არის მუხრან ვახტანგაძე. ის ამბობს, რომ იცის ზარის ჩაწერის შესახებ და ამატებს: "მოასმენინე, ვისაც გინდა".

ღოღობერიძის განცხადებით, მოხმდართან დაკავშირებით შინაგან საქმეთა სამინისტროს მიმართა. უწყებაში აცხადებენ, რომ დაწყებულია ფაქტის შესწავლა.

On.ge ცდილობს დაუკავშირდეს დეპუტატ ვახტანგაძეს ინფორმაციის დასადასტურებლად და დამატებითი განმარტებების მისაღებად. მის პასუხს მიღებისთანავე შემოგთავაზებთ.