საქართველოს ენერგეტიკის და წყალმომარაგების მარეგულირებელი კომისიის თავმჯდომარე, დავით ნარმანია გახდა. ის კომისიის წევრებმა ერთხმად აირჩიეს, ნარმანიამ ხმა მისცა საკუთარ თავს.

გასულ წელს კომისიის წევრად მუშაობის დროს მისი ანაზღაურება 127 360 ლარი იყო.

პროცესმა აჩვენა, რომ კომისიის, მთავრობისა და საქართველოს პრეზიდენტის გემოვნება დაემთხვა. ნარმანიას ამ თანამდებობაზე არჩევა ერთხელ უკვე სცადეს. მისი კანდიდატურა პარლამენტს მთავრობის წარდგინებით პრეზიდენტმა წარუდგინა, თუმცა, როგორც გაირკვა, მას კონსტიტუციით მსგავსი უფლება არ ჰქონდა. კომისიის თავმჯდომარის ასარჩევად აუცილებელი გახდა კანონში ცვლილებების შეტანა.

დავით ნარმანია 2017 წლის 22 დეკემბრიდან სემეკის წევრია. ის ამ თანამდებობის დაკავებამდე თბილისის მერი იყო, უფრო ადრე კი ინფრასტრუქტურის მინისტრი. სხვადასხვა მიმართულებით მან საქმიანობა 1999 წელს დაიწყო.