ევროპული საქართველოს ლიდერის თქმით, მისთვის გაუგებარია, ნაციონალური მოძრაობის "აჟიტირება", მათ მიერ გაჟღერებულ "პოლიტიკურ ამინისტიის ინიციატივაზე. დღეს, 15 ოქტომბერს TV პირველზე ინგა გრიგოლიას გადაცემა რეაქციაში საუბრისას გიგი უგულავამ მიხეილ სააკაშვილის მმართველობის დასაწყისი გაიხსენა და თქვა, რომ ყოფილი პრეზიდენტის, ედუარდ შევარდნაძის დაუსჯელობის გამო მას აფასებს:

"როდესაც ერთად ვიყავით, 2016 წელს ბატონი [ნიკა] მელია და ბატონი გიგა [ბოკერია] ერთად იდგნენ და ზუსტად ამ მესიჯს ახმოვანებდნენ... მეტსაც გეტყვით, სააკაშვილის მთავარ ღირსებად სწორედ ის მიმაჩნია, რომ 2003 წელს რევოლუციის შემდეგ მან გაუძლო წნეხს, გაუძლო იმ ცდუნებას, რომელიც გარშემო იყო, მათ შორის, ოქრუაშვილით დაწყებული, კობა დავითაშვილით, ზვიად ძიძიგურით დამთავრებული... ყველანი ვინც იყვნენ კოალიციაში, გაუძლო და თქვა, არა შევარდნაძეს ხელი არ უნდა ვახლოთ".

ევროპული საქართველოს ლიდერის, გიგა ბოკერიას თქმით, მათი პარტიის ხელისუფლებაში მოსვლის შემთხვევაში პოლიტიკური დანაშაულისთვის არ გაასამართლებენ არავის, მათ შორის არც ბიძინა ივანიშვილს. მიზეზებზე მან გადაცემა კვირის მთავარში 13 ოქტომბერს ისაუბრა.

"მე არ ვარ მომხრე იმ ნათქვამის, რომ "ივანიშვილი ციხეში"... მისი გადასაწყვეტი იქნება მისი ბედი... სისხლისსამართლებრივი დევნა წინა მთავრობის [არ დაიწყება], გარდა იმ შემთხვევებისა, სად არის [მკვლელობა]..." — თქვა ბოკერიამ.