უზენაესი სასამართლოს მოსამართლეობის კანდიდატ თამარ ზამბახიძე მიაჩნია, რომ წინა წლებთან შედარებით საზოგადოების ნდობა სასამართლოს მიმართა გაიზარდა. ამის შესახებ მან დღეს, 8 ოქტომბერს პარლამენტში მოსმენისას განაცხადა. ზამბახიძის თქმით, ნდობის გაზრდისთვის კიდევ "ბევრი ნაბიჯი უნდა გადაიდგას".

თამარ ზამბახიძე 2017 წლიდან თბილისის სააპელაციო სასამართლოს სამოქალაქო საქმეთა პალატის მოსამართლეა. 2005-2007 წლებში მას თბილისის საქალაქო სასამართლოს მოსამართლის თანამდებობა ეკავა.

კანდიდატი თამარ ზამბახიძის სამოსამართლეო კარიერაში ერთ-ერთი გახმაურებულია ე.წ. ღვინის ქარხნის საქმე. კერძოდ, 2014 წლის 23 დეკემბერს თბილისში, პეტრიაშვილის #1-ში მდებარე ღვინის ქარხნის ისტორიული შენობაზე დავა წამოიწყო სააქციო საზოგადოება სავანე ღვინის #1 ქარხნის წარმომადგენელმა, ყოფილმა გენერალურმა პროკურორმა, არჩილ კბილაშვილმა. მოსარჩელე სასამართლოსგან ითხოვდა პეტრიაშვილის ქუჩაზე მდებარე უძრავი ქონების გადაცემას იმ საფუძვლით, რომ 2004-2006 წლებში დაკარგა ამ ქონებაზე საკუთრების უფლება. 2016 წელს თბილისის სააპელაციო სასამართლომ არ დააკმაყოფილა სარჩელი, ანუ სრულად დატოვა ძალაში თბილისის საქალაქო სასამართლოს გადაწყვეტილება.