ენმ-მ საგანგებო ბრიფინგი გამართა, რომელზეც დავით ბაქრაძემ განაცხადა:

"ჩვენი ბრძოლა გრძელდება, არსად წასვლას ვაპირებთ და გავიმარჯვებთ! ეს ბრძოლის ახალი ეტაპია, როდესაც ნებისმიერი მოუფიქრებელი გადაწყვეტილება შეიძლება მხოლოდ გულის მოფხანასა და შესაბამისად, ხელისუფლების გაძლიერებას ემსახურებოდეს. ჩვენს გეგმას უახლოეს დღეებში წარმოგიდგენთ. ჩვენ ბრძოლად ვაგრძელებთ. კანონიერი პოლიტიკური მეთოდები მოიცავს, როგორც აქციებს, ისე პოლიტიკურ ინსტიტუტებში ბრძოლას და უცხოეთში ჩვენს პარტნიორებთან მუშაობას. ჩვენ ყველა კანონიერ მეთოდს გამოვიყენებთ. დარწმუნებულები ვართ ჩვენს ამომრჩეველთან ერთად წარმატებულები ვიქნებით. კონკრეტიკას პოლიტსაბჭოს შემდეგ მოგაწვდით".

გიგა ბოკერიამ კი განმარტა, რომ ენმ პოლიტიკიდან წასვლას არ აპირებს:

"არათუ პოლიტიკიდან წასვლას, არამედ პოლიტიკურ ბრძოლას გავაგრძელებთ და ვიმუშავებთ იმაზე, რომ რაც შეიძლება მეტი მოქალაქე ჩაერთოს პოლიტიკურ ცხოვრებაში და საზოგადოებრივ ცხოვრებაში".