დღეს, 7 ოქტომბერს გერმანიის პრეზიდენტმა, ფრანკ-ვალტერ შტაინმაიერმა თბილისში ვიზიტისას განაცხადა, რომ გერმანია არის ერთ-ერთი აქტიური მხარდამჭერი საქართველოს ნატოსა და ევროკავშირში ინტეგრაციისას:

"ყოველთვის შეგიძლიათ გქონდეს გერმანიის პოლიტიკური მხარდაჭერის იმედი", — თქვა შტაინმაიერმა პრეზიდენტ ზურაბიშვილთან ერთად გამართულ პრესკონფერენციაზე.

მისივე განცხადებით, ნატოს წევრი სახელმწიფოების ერთობლივი პოზიციაა, საქართველომ ნატოს სტანდარტები შეასრულოს და ამით კიდევ უფრო დაუახლოვდეს:

"ეს არის მოლაპარაკებების შედეგი. ის, რაც ნატომ და საქართველომ ერთობლივად მიაღწიეს. გრძელდება თანამშრომლობა და ვფიქრობ, ორივე მხარე, როგორც საქართველო, ასევე, ნატო აფასებს შედეგს და აგრძელებენ იმპლემენტაციას".

შტაინმაიერმა, ასევე, იმედი გამოთქვა, რომ გერმანია-საქართველოს ურთიერთობები გაღრმავდება და დემოკრატია და სიტყვის თავისუფლებს კიდევ უფრო გაძლიერდება საქართველოში.

"ჩვენ გვაქვს საამაყოდ ინტენსიური თანამშრომლობა. ჩვენ ვაცნობიერებთ ამას, რომ საქართველოს არ ჰყავს ხელსაყრელი სამეზობლო, არ არის მარტივი გეოგრაფიული მდებარეობა, მე ხვალ მივემგზავრები ადმინისტრაციული საზღვრისკენ, მივუახლოვდები ცხინვალის რეგიონს".

შტაინმაიერმა აღნიშნა, რომ ევროინტეგრაციაზე პრეზიდენტთან "ცოტა უფრო დიდხანს ისაუბრა".

"დიდხანს ვფიქრობთ ამაზე, რა შესაძლებლობა აქვს საქართველოს. ეს სარის აღმოსავლეთ პარტნიორობის თანამშრომლობის ფორმატი. სიტუაცია, რომელიც ეხება ევროკავშირის შიდა პრობლემებს, ბიუჯეტის შემუშავებას, ერთი რამ უნდა ითქვას გადაჭრით, რომ დიდი ბრიტანეთის გასვლა გარკვეულ პრობლემებს ქმნის ევროკავშირის სინამდვილეში", — თქვა გერმანიის პრეზიდენტმა.