თავისუფალი დემოკრატების ერთ-ერთმა ლიდერმა ნინო გოგუაძემ ირაკლი ალასანიას განცხადების შემდეგ ჟურნალისტებთან კომენტარი გააკეთა. გოგუაძემ აღნიშნა რომ პარტიას შეცდომები ჰქონდა და მათი გაანალიზებაა საჭირო. რაც შეეხება არჩევნებს, მისი თქმით, ჭიათურაში მაჟორიტარობისთვის ბრძოლას პარტია გააგრძელებს:

"ჩვენ შეცდომები დავუშვით. ყველა შეცდომას გავაანალიზებთ და ამ ანალიზის შემდეგ ვიმოქმედებთ იყო ეს შეცდომა, თუ არ იყო. ახლა დაფიქრების დროა, ჩვენ ვიცით ფიქრი და აუცილებლად, სწორ დასკვნებს გამოვიტანთ. ჩვენ მეორე ტური გვაქვს ჭიათურაში და იქ აუცილებლად გაგრძელდება ბრძოლა".

თავისუფალი დემოკრატების ლიდერმა, ირაკლი ალასანიამ განაცხადა, რომ პოლიტიკიდან მიდის. ის თავის კამპანიას აჩერებს.