პრემირი გიორგი კვირიკაშვილი 8 ოქტომბრის არჩევნების შესაფასებლად, შემაჯამებელ განცხადებას ავრცელებს. კვირიკაშვილის თქმით, არჩევნები ყველამ შეფასა როგორც თავისუფალი და დემოკრატიული თუმცა რამდენიმე ინციდენტი მოხდა, რომლებიც იმდენად მცირე მასშტაბის იყო რომ შედეგებზე გავლენა არ მოუხდენია:

"ყველა ამ ინციდენტზე ხდება რეაგირება და მიმდინარეობს შემდგომი სამართლებრივი პროცედურები, არიან დაკავებულებიც. ეს კიდევ ერთი დასტურია, რომ ხელისუფლებამ ყველაფერი გააკეთა საარჩევნო პროცესის მშვიდობიანად წარმართვისთვის და ეს მიზანი მიღწეულია.

პრემიერის განცხადებით, წინასწარი მონაცემებით, ბევრ საარჩევნო ოლქში მოსალოდნელია მაჟორიტარობის კანდიდატებს შორის მეორე ტური, მისივე თქმით, ამის მიზეზია ის, რომ ბარიერი 50 პროცენტამდე ავიდა:

"ეს არის პირველი საპარლამენტო არჩვენები, როდესაც მაჟორიტარობის კანდიდატებს ასეთი მაღალი ბარიერის გადალახვა უწევთ. დარწმუნებული ვარ, რომ მეორე ტურშიც იქნება ამომრჩევლების მაღალი აქტივობა და ღირსეული კანდიდატები გაიმარჯვებენ. საერთაშორისო ორგანიზაციების მიერ გაკეთებეული შეფასებების მიუხედავად, ნაციონალური მოძრაობა სამწუხაროდ ცდილობს საკუთარი ამომრჩეველი იზოლაციის, პროვოკაციების და კონფრონტაციის გზით წაიყვანოს, რაც ჩვენი შეფასებით, არის წარსული და არაფერი აქვს საერთო საზოგადოების მოთხოვნებთან, ქვეყნის განვითარების ინტერესებთან".