NDI-ის სადამკვირვებლო მისიის წარმომადგენლების მიერ გამართულ პრესკონფერენციაზე ორგანიზაციის ევრაზიის პროგრამების რეგიონალურმა დირექტორმა ლორა ჯუიტმა განაცხადა, რომ მათი დელეგაციის 30 წევრი ქვეყნის ყველა რეგიონში აკვირდებოდა არჩევნებს.

NDI-ის კიდევ ერთი წარმომადგენელი აცხადებს, რომ უბნებზე ადგილობრივი დამკვირვებლების სიმრავლე შეიმჩნეოდა, თუმცა ზოგიერთი მათგანი საარჩევო უბნის საქმიანობაში ერეოდა. მან უბნებზე მომუშავეთა გენდერულ ბალანსზეც ისაუბრა:

"უნდა აღვნიშნო, თავად ქალი ვარ და ვინც ვნახე, უბანზე მომუშავე ადამიანების უმრავლესობა იყვნენ ქალები, მიუხედავად იმისა, რომ არჩევნებში მონაწილე კანდიდატი ქალების რაოდენობა არც თუ ისე მაღალია".

მისი თქმით, წუხელ ცესკოს წინ გამართული აქციის მიზეზი განსხვავებული მონაცემების მქონე ეგზიტპოლების გამოქვეყნება იყო. NDI საარჩევნო პროცესებზე დაკვირვებას კვლავ განაგრძობს.