საქართველოს უზენაესი მოსამართლეობის კანდიდატისთვის, მირანდა ერემაძესთვის 17 მაისი ოჯახის სიწმინდის დღეა. ამ დღესთან დაკავშირებით კითხვა მას ნაციონალური მოძრაობის წევრმა, რომან გოცირიძემ დაუსვა.

მოსამართლეობის კანდიდატმა მხოლოდ მას შემდეგ თქვა, რომ 17 მაისი ჰომოფობიისა და ტრანსფობიის წინააღმდეგ ბრძოლის საერთაშორისო დღეა, რაც დეპუტატმა ამ საკითხზე კიდევ ერთი კითხვა დაუსვა.

მოსამართლეობის კანდიდატი ამბობს, რომ არ იცის რატომ დაემთხვა "ოჯახის სიწმინდის დღე" ჰომოფობიისა და ტრანსფობიის საერთაშორისო დღეს.

რომან გოცირიძე: 17 მაისი თქვენთვის რა დღეა?

მირანდა ერემაძე: 17 მაისი, მივხვდი საით მიგყავთ შეკითხვა, არის ეკლესიის მიერ დაწესებული ოჯახის სიწმინდის დღე.

რომან გოცირიძე: ოღონდ არ არის მთავრობის მიერ დაწესებული ოფიციალური დღესასწაული. მაგრამ რატომ არ ამბობთ, რომ 17 მაისი არის ჰომოფობიისა და ტრანსფობიის წინააღმდეგ ბრძოლის საერთაშორისო დღე?

მირანდა ერემაძე: დიახ, ესეც არის...

რომან გოცირიძე: თქვენ რომელს აღიარებთ ამ ორიდან?

მირანდა ერემაძე: მაინცდამაინც თარიღში თანხვედრა რომ მოხდა, არ ნიშნავს, რომ რომელიმე ერთ-ერთს უპირატესობა უნდა მივანიჭოთ...

დღეს, 26 სექტემბერს კომიტეტის სხდომაზე უზენაესი სასამართლოს მოსამართლოს კანდიდატებს უსმენენ. დღეს დეპუტატებს მირანდა ერემაძე ხვდება, წინა დღეებში კი გასაუბრება შოთა გეწაძესთან, მერაბ გაბინაშვილსა და თამარ ალანიასთან გაიმართა.