BBC-ის ინფორმაციით, 3 დღის წინ კანადაში, ალბერტაში მდებარე ქალაქ ფორტ მაკმიურეიში გაჩენილ ხანძარს ამ დრომდე უშედეგოდ ებრძვიან. სამაშველო სამსახურმა, კიდევ 8 ათასი ადამიანის ევაკუაცია განახორციელა.

ადგილობრივ ხელისუფლებას იმედი აქვს, რომ სამხრეთისკენ მიმავალი ერთადერთი ავტო მაგისტრალი მალე უსაფრთხო გახდება იმისთვის, რომ დარჩენილი 17 ათასი ადამიანის გადაყვანაც მოხერხდეს იმ ადგილიდან, რომელიც მოსახლეობისთვის საფრთხის შემცველია.

3 დღის წინ მაშველებმა 88 ათასი ადამიანის ევაკუაცია განახორციელეს. ცეცხლი ალბერტას პროვინციაში 850 კვადრატულ კილომეტრს მოედო. ამ დღეების განმავლობაში ასობით მეხანძრე ვერტმფრენების საშუალებით ცდილობს ცეცხლის ჩაქრობას.

ალბერტას პრემიერ მინისტრმა, რეიჩელ ნოთლიმ ადგილობრივი მოსახლეობას განუცხადა, რომ დიდი დრო იქნება საჭირო იმისთვის, რომ ისინი სახლში დაბრუნდნენ. ფორტ მაკმურეიში ცეცხლმა ამ დროისთვის 1600 საცხოვრებელი სახლი და სხვა დანიშნულების მქონე შენობა გაანადგურა.

კანადაში 3 მაისს გაჩენილი ხანძრის მიზეზი ჯერჯერობით უცნობია.