ცესკოს წინასწარი შედეგების თანახმად, მაჟორიტარების გამოსავლენად მეორე ტური ქვეყნის მასშტაბით 51 საარჩევნო ოლქში უნდა ჩატარდეს. ამ დროის მონაცემებით, არცერთი გამარჯვებული კანდიდატი არ გამოვლენილა თბილისის 18 ოლქში, აჭარის 3 ოლქში, ქუთაისის 3 ოლქსა და ქვეყნის სხვადასხვა რეგიონის 27 ოლქში.

აღსანიშნავია ისიც, რომ ამ დროის მონაცემებით, იმ ოლქების უმეტესობაში, სადაც გამარჯვებული გამოვლენილი არაა, ქართული ოცნების მაჟორიტარობის კანდიდატები ლიდერობენ.

აღნიშნული 51 ოლქიდან, რომელსაც ჯერ გამარჯვებული მაჟორიტარი არ ჰყავს, ენმ-ს კანდიდატი პირველ ადგილზე მხოლოდ ახალციხის 44-ე ოლქშია, ხაშურის 43-ე ოლქში კი მრეწველების კანდიდატმა მოიპოვა პირველობა.

ვინ რა შედეგი მიიღო სხვადასხვა ოლქში უბნების მიხედვით შეგიძლიათ იხილოთ აქ.