5-6 ოქტომბერს თბილისობა 2019 გაიმართება. ამის შესახებ თბილისის მერმა კახი კალაძემ 25 სექტემბრის მთავრობის სხდომაზე განაცხადა.

მერიის ცნობით, ღონისძიებები რამდენიმე უბანში გაიმართება, მათ შორის, რიყეზე, ლეღვთახევში, მეტეხის ხიდსა და ორბელიანის მოედანზე. ღონისძიებების ფარგლებში იქნება კულინარიის ტკბილეულისა და ყვავილების ფესტივალები, ასევე, ორბელიანის ღია ბაზარი. ლეღვღახევში იქნება მუზეუმი, სადაც წარმოდგენილი იქნება პროექცია კლდეზე. მეტეხის ხიდზე კი გაიმართება რარიტეტული ავტომანქანების გამოფენა.

6 ოქტომბერს თბილისის საერთაშორისო თეატრალური ფესტივალის ფარგლებში წარმოდგენილი იქნება "მოარე", აკრობატიკის საჰაერო შოუ როკ მუსიკის თანხლებით.