ციფრული კონფერენცია — Touch — ადგილობრივ მთავრობასა და ბიზნეს სექტორთან თანამშრომლობს, რათა გლობალური კომპანიებიდან მოიწვიოს ექსპერტები და ინვესტორები. კონფერენციის მიზანია მოწვეული სტუმრები დარწმუნდნენ სტარტაპებისა და კავკასიის რეგიონის ინოვატორულ პოტენციალში.

30-31 ოქტომბერს გაიმართება ყოველწლიური საერთაშორისო ციფრული კონფერენცია Touch-ის მეოთხე ღონისძიება, რომელიც 2 დღის განმავლობაში თავს მოუყრის 1 200 დამსწრეს საქართველოდან, მეზობელი ქვეყვებიდან, ევროპიდან და შუა აზიიდან. გაიმართება თემატური პრეზენტაციები მსოფლიოს წამყვანი კომპანიების წარმომადგენლებისგან, მასტერკლასები და ვორქშოპები; ნეთვორქინგ წვეულებები და პანელური დისკუსიები სპიკერებთან ტექნოლოგიების, დიზაინის, მეწარმეობისა და ინვესტიციების შესახებ.

გასულ წელს კონფერენციამ გააერთიანა 15-ზე მეტი ქვეყნიდან 700-მდე დამსწრე. 2019 წელს კონფერენცია მთავრობისა და კერძო კომპანიების ხელშეწყობით აფართოებს არეალს და მასპინძლობს 40-ზე მეტ სპიკერს, 50-ზე მეტ სტარტაპსა და 1 200-ზე მეტ დამსწრეს.

პროექტის მხარდამჭერები არიან: საქართველოს მთავრობა, Georgian Innovation and Technology Agency, Georgian National Tourism Administration, Bank of Georgia, Google, Likani და სხვები.

ძირითადი პროგრამის პარალელურად, კონფერენციის ფარგლებში გაიმართება შეჯიბრი პრეზენტაციებში (pitching competition) და სტარტაპ-ექსპო, რომელზე მონაწილეობისათვისაც სტარტაპები უნდა აკმაყოფილებდნენ შემდეგ კრიტერიუმებს:

  • ტექნოლოგიური სტარტაპები (Tech-based project);
  • 2+ წევრისაგან შემდგარი გუნდი;
  • MVP სტადია (minimum viable product);
  • საწყისი ფაზა — რეგისტრაცია, ჩამოტვირთვა, ვებ-ვერდის ტრაფიკი, გამომწერების რისხვი და სხვა;
  • გლობალური პროდუქტი;
  • განაცხადის შეტანის ბოლო ვადა პირველი ოქტომბერია.

სტარტაპების წარმომადგენლებს, ასევე, ექნებათ საშუალება პირისპირ გაესაუბრონ ღონისძიების სპიკერებს, რომელთა შორისაც არიან შემდეგი კომპანიების წარმომადგენლები: NASA, Nike, Google, Microsoft, BlaBlaCar, Swedbank, IndieGoGo, The Next Web, Zalando, TransferWise, UiPath და 30 სხვა გლობალური ექსპერტი.

Touch-ის გუნდი თანამშრომლობს გლობალურ ფონდებთან და აქსელატორებთან და კონფერენციაზე წარმოდგენილ საუკეთესო სტარტაპებს გაუწევს რეკომენდაციას ისეთ კომპანიებთან, როგორებიცაა 500 Startups, bValue.vc, lift99 და სხვა (პარტნიორი კომპანიების ჩამონათვალი იხილეთ Touch-ის ოფიციალურ ვებგვერდზე).

25-26 სექტემბერს გაიმართება ინფო სესიები Impact Hub Tbilisi, Terminal Vake და TechPark Georgia-ში, რათა მოამზადონ სტარტაპები რეგისტრაციის, გამოსვლისა და ღონისძიებაზე მონაწილეობისათვის. ინფოსესიებზე დასასწრებად გთხოვთ გაიაროთ რეგისტრაცია.

მედიასთან დაკავშირებულ საკითხებზე, გთხოვთ დაუკავშირდეთ Touch-ის აღმასრულებელ დირექტორს, ალინა როზანოვას: [email protected]