მარნეულის #36 ოლქის #48 საარჩევნო უბანთან, 17:00 საათისკენ პოლიტიკური პარტიების მხარდამჭერები მობილიზდნენ, რომლებმაც დაარბიეს უბნის შენობა. გავრცელდა ინფორმაცია საარჩევნო ყუთის გატაცებასთან დაკავშირებით. ამ ინციდენტზე დროული რეაგირება მოახდინეს სამართალდამცავმა ორგანოებმა დ განმუხტეს მდგომარეობა. ამის შესახებ ინფორმაციას საერთაშორისო გამჭვირვალობა - საქართველო ავრცელებს.

TI-ს ცნობით, დარღვევები დაფიქსირდა სხვა რეგიონებშიც:

"ზუგდიდის #66 საარჩევნო ოლქში, სოფელ ჯიხასკარის #79 და #108 უბნებზე შეიჭრა ადამიანთა ჯგუფი, რომელმაც დაამტვრია საარჩევნო ყუთები და დაარბია უბანი. ასევე, ქუთაისის #49 ოლქის #90 უბნის მიმდებარედ მოხდა ფიზიკური დაპირისპირება. ჯიხასკარში უბნის დარბევის ფაქტზე სამართალდამცავმა ორგანოებმა დააკავეს 1 პირი, მიმდინარეობს გამოძიება სხვა თანამონაწილე პირთა იდენტიფიცირებისა და დაკავების მიზნით. აღნიშნული უბნის შედეგები სავარაუდოდ გაბათილდება."