ცენტრალური საარჩევნო კომისიის თავმჯდომარე თამარ ჟვანია პირველადი წინასწარი შედეგების დაგვიანებით გამოქვეყნებასთან დაკავშირებით განცხადებას აკეთებს. თამარ ჟვანიამ აღნიშნა, რომ ცესკომ თავიდანვე აცნობა საზოგადოებას, რომ ელოდებოდნენ გარკვეული რაოდენობის ოქმების მიღებას, იმისთვის, რომ საქართველოს ყველა რეგიონიდან რეპრეზენტული რაოდენობის ოქმები მიეღოთ.

სწორედ ამიტომ პირველად შედეგებში ცესკომ 423 უბნის შედეგები გამოაქვეყნა, რაც პროპორციული სისტემით აღნიშნულ არჩევნების ნაწილში უბნების 11,43%-ს შეადგენს.

თამარ ჟვანიამ აღნიშნა, რომ ოქმები ატვირთვის პროცესშია და შედეგები ეტაპობრივად განახლდება.