ლეიბორისტული პარტია ეგზიტპოლების შედეგებს არ აღიარებს. პარტიის ლიდერის შალვა ნათელაშვილის თქმით, ესაა ეგზიტპოლების ჩვეულებრივი ომი:

"ვინც იხდის ფულს, ის უკვეთავს მუსიკას. 2012 წელს სააკაშილი ეგზიტპოლში გვიმტკიცებდა 70%-იან გამარჯვებას და მოუგო ბიძინა ივანიშვილმა. შესაბამისად დღესაც ორივე სუბიექტმა შეუკვეთა თავისი გემოვნებისა და ხედვის ეგზიტპოლი და დაწერეს ის, რაც უნდოდათ ამ ეტაპზე".

ლეიბორისტების ლიდერის თქმით, ქართული ოცნება ამ მონაცემით მმართველი პარტია აღარაა, რაც იმას ნიშნავს, რომ საქართველოს მმართველი პარტია აღარ ჰყავს:

"ვულოცავ ქართველებს, რომ ვერც ნაციონალები დაბრუნდნენ ხელისუფლებაში და ვერც ოცნება გახდა მმართველი პარტია".

შალვა ნათელაშვილის თქმით, მისმა პარტიამ ბარიერი გადალახა და მას ამის თქმის საფუძველს ხალხის მხარდაჭერა აძლევს.