ცოტა ხნის წინ თბილისში, გლდანის 65-ე საარჩევნო უბანზე საარჩევნო კომისიის ერთ-ერთი წევრი, მიხეილ კოჭლამაზიშვილი On.ge-ს ჟურნალისტებს, გვანცა ნადიბაიძესა და კესო მამფორიას რამდენიმე წუთის განმავლობაში არ აძლევდა საშუალებას შესულიყვნენ საარჩევნო უბანზე და ეწარმოებინათ ფოტო-ვიდეო გადაღება. ის ცესკოს მიერ აკრედიტებული ჟურნალისტებისგან მოითხოვდა დამატებით კიდევ ერთ აკრედიტაციასა და გადაღების ნებართვას, რაც კანონით განსაზღვრული არ არის.

საარჩევნო უბანზე განმეორებითი შესვლის მცდელობის შემდეგ, მიხეილ კოჭლამაზიშვილიმა კვლავ სცადა ჟურნალისტებისთვის ხელშეშლა, თუმცა კომისიის სხვა წევრებმა მას ამის უფლება არ მისცეს და სიტუაციას გაარიდეს, რის შემდეგაც ინციდენტი ამოიწურა. ჟურნალისტებმა უბანზე შესვლა და საკუთარი მოვალეობის შესრულება შეძლეს.