საზოგადოებრივი დამცველის დამკვირვებლის, ირინა ფუტკარაძის, ინფორმაციით 16:00 საათის მდგომარეობით დაფიქსირდა სხვადასხვა სახის დარღვევა, დაიწერა 2 საჩივარი და ჩანაწერთა წიგნში გაკეთდა 2 შენიშვნა.

თბილისის მე-6 ოლქის 62-ე საარჩევნო უბანზე, ერთ-ერთი ამომრჩეველი, რომელიც სარგებლობდა ეტლით, ვერ მივიდა ურნამდე და ხმა მისცა დარბაზის შესასვლელში.

ასევე,თბილისის 10 ოლქის 35 უბანზე კვლავ დაფიქსირდა ამომრჩევლების მისვლა დევნილის მოწმობის გარეშე.

გორის 32-ე ოლქის მერეთის საჯარო სკოლის 51-ე უბანზე იმყოფებოდა არაუფლებამოსილი პირი, რის შესახებაც საზოგადოებრივი დამცველის დამკვირვებელმა საჩივარი დაწერა, რომელიც კომისიის თავმჯდომარემ არ ჩაიბარა.