პარლამენტის ადამიანის უფლებათა კომიტეტის თავმჯდომარის სოფო კილაძის განცხადებით, სამხედრო წარმოების განვითარება ლარის კურსზე პოზიტიურ გავლენას მოახდეს და სამუშაო ადგილებს შექმნის.

"ჩვენთვის სამუშაო ადგილების შექმნა და ლარის სიმყარის შენარჩუნება არის ერთ-ერთი მთავარი ამოცანა, რაც პირდაპირ გადის ჩვენი მოქალაქეების ჯიბეებზე. თუ ჩვენ გვექნება რაღაც კუთხით წარმოება და განვავითარებთ სამხედრო წარმოებას, დასაქმდებიან ჩვენი მოქალაქეები, სადაც ჩვენი საჭიროებიდან გამომდინარე ამ საბრძოლო მასალას ჩვენს ქვეყანაში ვიყიდით. ეს ლარს უფრო მეტად გაამყარებს და შეიქმნება სამუშაო ადგილები და ქვეყანაც კიდევ უფრო განვითარდება", — განაცხადა სოფო კილაძემ.

სამხედრო მრეწველობის განვითარების ინიციატივა საქართველოს პარლამენტში თავდაცვის მინისტრობის კანდიდატმა ირაკლი ღარიბაშვილმა მააჟღერა. მისი თქმით, ის გეგმავს ტყვიისა და იარაღის საწარმოს აშენებას.