სამხრეთ ოსეთის დე ფაქტო ხელისუფლებამ, 7 ოქტომბრის 20:00 საათიდან 9 ოქტომბრის 20:00 საათამდე, დროებით ჩაკეტა ე.წ. სასაზღვრო გამშვები პუნქტი. გადაწყვეტილება დე ფაქტო ხელისუფლების უშიშროების კომიტეტმა მიიღო და საქართველოში საპარლამენტო არჩევნებს უკავშირდება. გამშვები პუნქტების ჩაკეტვის მიუხედავად, ისევე როგორც წინა სხვა არჩევნებისას, რუსეთის მიერ ოკუპირებული ტერიტორიიდან მოქალაქეები ცდილობენ, გადმოვიდნენ საქართველოს იურისდიქციის ქვეშ მყოფ სოფლებში და მონაწილეობა მიიღონ არჩევნებში.


ადამიანის უფლებათა ცენტრის სადამკვირვებლო ჯგუფის ინფორმაციით, საჩხერის მუნიციპალიტეტის სოფელ ჯრაში #50 საარჩევნო ოლქის #46 საარჩევნო უბნის კომისიის ერთ-ერთმა წევრმა ვერ შეძლო ოკუპირებული ტერიტორიის სოფელ ქარძმანიდან გადმოსვლა და საარჩევნო უბანზე დაკისრებული მოვალეობის შესრულება.
დამკვირვებელთა ინფორმაციით, სოფელ ჯრიაშში #46 საარჩევნო უბანზე რეგისტრირებული 40 ამომრჩევლიდან 70 ამომრჩეველი ცხოვრობს ოკუპირებულ ტერიტორიაზე. ასეთივე მდგომარეობაა სოფელ პერევში #43 საარჩევნო უბანზე, სადაც რეგისტრირებულია 773 ამომრჩევლიდან 74 ოკუპირებულ ტერიტორიაზე ცხოვრობს.