შინაგან საქმეთა სამინისტროს ინფორმაციით, რუსთავში გენდერული დისკრიმინაციის მოტივით ცოლის თვითმკვლელობამდე მიყვანის ბრალდებით კაცი დააკავეს.

უწყების ცნობით, კაცი იმ მოტივით, რომ ოჯახის უფროსი იყო, ცოლზე სისტემატურად ძალადობა და მას ამცირებდა. მათივე თქმით, ერთ-ერთი კონფლიქტის შემდეგ ქალმა თავი მოიკლა. შსს-ში განმარტავენ, რომ ქალს პოლიციისთვის დახმარების თხოვნით არასდროს მიუმართავს.

გამოძიება სისხლის სამართლის კოდექსის 11¹-115-ე მუხლის მეორე ნაწილის "ა" ქვეპუნქტით მიმდინარეობს, რაც გენდერული ნიშნით ოჯახის წევრის თვითმკვლელობაზე მიყვანას გულისხმობს. ბრალის დამტკიცების შემთხვევაში კაცს სამიდან ექვს წლამდე პატიმრობა ემუქრება.