TV პირველის ეთერში საერთაშორისო გამჭვირვალობა საქართველოს ხელმძღვანელმა ეკა გიგაურმა განაცხადა, რომ

"ამ ეტაპზე 20-მდე მცირე დარღვევა დავაფიქსირეთ. საერთაშორისო გამჭვირვალობას საქართველოს მასშტაბით 400 დამკვირვებელი ჰყავს და შეგვიძლია ვთქვათ, რომ არჩევნები მშვიდ გარემოში მიმდინარეობს".

მისი თქმით, ძირითადი დარღვევები ზუგდიდში დაფიქსირდა, როდესაც მათ დამკვირვებლებს უბანზე გარკვეული დროის განმავლობაში არ უშვებდნენ. TI-ის დირექტორმა უბნის გვიან გახსნის ფაქტზეც გაამახვილა ყურადღება.

ეკა გიგაურმა მოსახლეობას მოუწოდა დაელოდონ არჩევნების შედეგებს და ნუ ენდობით ეგზიტპოლებს:

"ეგზიტპოლებს ყველა ქვეყანაში აკეთებენ, თუმცა ამას საქართველოში განსაკუთრებული ყურადღება ეთმობა. ეგზიტპოლები არის ძალიან საინტერესო, თუმცა არაა სწორი, რომ სწორება გავაკეთოთ ეგზიტპოლების ინფორმაციაზე. მთავარია ყველა დაველოდით ცესკოს შედეგებს. დაელოდეთ ცესკოს შედეგებს და წარმოდგენა არ შეიქმნათ ეგზიტპოლებით".

შეგახსნებეთ, რომ წლევანდელ საპარლამენტო არჩევნებს დააკვირდება საარჩევნო სუბიექტების 42 092 წარმომადგენელი, 111 ადგილობრივი დამკვირვებელი, 29 931 და 55 საერთაშორისო ორგანიზაციის 1 440 დამკვირვებელი. საარჩევნო პროცესს გააშუქებს 184 მედიაორგანიზაციის 5 368 წარმომადგენელი.