თბილისის მერიის ცნობით, The Fast and the Furious-ის ეპიზოდების გადაღებების გამო 24 აგვისტოს 7 საათიდან 27 აგვისტოს შუაღამემდე რუსთაველის გამზირზე, ოპერასთან, გზის ორივე მხარეს თითო-თითო ზოლზე ტრანსპორტის მოძრაობა შეიზღუდება. უწყების ცნობით, ტრანსპორტი ორივე მიმართულებით ორ-ორ ზოლში შეძლებს მოძრაობას.

27 აგვისტოს შუაღამიდან 4 სექტემბრის შუაღამემდე კი რუსთაველის გამზირი რესპუბლიკის მოედნიდან მეტროსადგურ თავისუფლების მოედნამდე გადაიკეტება.

პროგრამის გადაიღე საქართველოში ფარგლებში ჰოლივუდის ფილმს The Fast and the Furious 9-ს 10-წუთიან მონაკვეთს საქართველოში იღებენ. ფილმის საქართველოში გადაღება ჰოლივუდის მაღალი რანგის წარმომადგენლების ვიზიტის დროს გადაწყდა. საქართველოში ჰოლივუდური ფილმის გადაღებისთვის მაქსიმუმ 31,4 მილიონი ლარი (31 358 162 ლარი) უნდა დაიხარჯოს. ამის შესახებ მთავრობის განკარგულებაში წერია, რომელსაც ხელს პრემიერ-მინისტრი მამუკა ბახტაძე აწერს. განკარგულება 10 ივლისით თარიღდება.პროფესიული საჰაერო ფოტო და ვიდეო გადაღების წარმოების მიზნით, უცხოურმა ოპერატორმა, XM2 UK LIMITED-მა სამოქალაქო ავიაციის სააგენტოს მიერ დადგენილი წესების შესაბამისად, უპილოტო საჰაერო ხომალდების სავალდებულო რეგისტრაციის პროცესი გაიარა და გადაღებებისთვის საქართველოში 8 უპილოტო საჰაერო ხომალდიც დარეგისტრირდა.