საქართველოს ჟურნალისტური ეთიკის ქარტიის მიერ ჩატარებულ თითქმის ერთთვიან მონიტორინგში 11 ტელევიზიის მიერ მთავრობისა და სხვა პოლიტიკური პარტიების ტენდენციები გამოიკვეთა.

მონაცემების მიხედვით, პარტია ქართული ოცნება ყველაზე დადებითად GDS-ის ეთერში ჩანდა, მისთვის დათმობილი დროის 9% პოზიტიური იყო.

ქართული ოცნება ნეგატიურად ყველაზე დიდი დოზით კავკასიაზე გაშუქდა და მისთვის დათმობილი დროის 42% ნეგატიური იყო.

მონიტორინგის შედეგებით, მთავრობას ყველაზე დადებითად მაესტრო და ობიექტივი აშუქებდა.

მონიტორინგი ევროკავშირისა და გაეროს განვითარების პროგრამის მიერ დაფინანსებული პროექტის, 2016 წლის საპარლამენტო არჩევნების მედიაში გაშუქების კვლევა, ფარგლებში სატელევიზიო არხების მონიტორინგს ახორციელებს.

მონიტორინგი ხორციელდებოდა შემდეგ სატელევიზიო არხებზე: საზოგადოებრივი მაუწყებლის პირველი არხი, რუსთავი 2, იმედი, მაესტრო, GDS, ტაბულა, კავკასია, ტვ პირველი, ობიექტივი, აჭარის ტელევიზია, ტელეარხი 25. მონიტორინგში მოცემულია 30 აგვისტო-25 სექტემბერი პერიოდი.