თბილისში, ისნის რაიონში ერთ-ერთ ქუჩას 2008 წლის აგვისტოს ომში დაღუპული გმირის, უშანგი (შმაგი) სოფრომაძის სახელი ოფიციალურად მიენიჭა. ეს ქუჩა ისნის ე.წ. სამხედრო ქალაქში გიორგი ანწუხელიძის სახელობის ქუჩის მიმდებარედაა.

ქუჩისთვის სახელის გადარქმევის გადაწყვეტილება თბილისის საკრებულომ 2018 წლის 11 სექტემბერს მიიღო და დღეს, სიმბოლურად 8 აგვისტოს ქუჩა ოფიციალურად გადაინომრა.

ფოტო: თბილისის საკრებულო

აგვისტოს ომის გმირი შმაგი სოფრომაძე ტყვედ ჩავარდნის შემდეგ წამებით მოკლეს. მას გარდაცვალების შემდეგ ვახტანგ გორგასლის პირველი ხარისხის ორდენი მიენიჭა.