პარტია თავისუფალი საქართველოს თანათავმჯდომარის, გოგი წულაიას განცხადებით, ქუთაისის მერიამ ექვს თვეში სარესტორნო მომსახურებაზე 87 ათას ლარზე მეტი დახარჯა. წულაიამ ეს ხარჯები მერიის შენობასთან გააპროტესტა.

წულაია ამბობს, რომ ქუთაისის მერია საქმის ნაცვლად ჭამა-ყლაპვაზეა გადასული.

"მოვუწოდებ მერს, ხანდახან სახლშიც ჭამე საჭმელი და დაზოგე ბიუჯეტის თანხა. ასევე, მოვუწოდებ ხელისუფლებას, კეთილი ინებეთ და დაანონსებული ქამრების შემოჭერის პოლიტიკა დაიწყეთ და წარმომადგენლობითი ხარჯები შეამცირეთ, თორემ ლარის გაუფასურებას არ შეაჩერებს არაფერი და ეს იქნება ქვეყნის დასასრული", — ამბობს წულაია.