სტატისტიკის ეროვნული ბიუროს ინფორმაციით, 2017 წელთან შედარებით 2018 წელს პირველად დადგენილი დიაგნოზით მოსახლეობის ავადობა იზრდება. უწყების განმარტებით, ავადობის 20 ძირითადი ჯგუფიდან მოსახლეობაში ყველაზე მეტად გავრცელებულია სუნთქვის ორგანოების, საჭმლის მომნელებელი სისტემისა და სისხლის მიმოქცევის სისტემის ავადმყოფობები.

სხვადასხვა დაავადებების მატება პროცენტულად ასეთია:

  • ზოგიერთი ინფექციური და პარაზიტული ავადმყოფობები — 14.1%-ით;
  • სიმსივნეები — 10.3%-ით;
  • საჭმლის მომნელებელი სისტემის ავადმყოფობები —30.7%-ით;
  • კანისა და კანქვეშა ქსოვილის ავადმყოფობები — 5.6%-ით;
  • ძვალ-სახსართა სისტემის და შემაერთებელი ქსოვილების ავადმყოფობები — 5.6%-ით;
  • შარდ-სასქესო სისტემის ავადმყოფობები — 3.8%-ით;
  • ორსულობის, მშობიარობის და ლოგინობის ხანის ავადმყოფობები — 14.1%-ით;
  • პერინატალურ პერიოდში წარმოშობილი ცალკეული მდგომარეობის ავადმყოფობები— 57.2%-ით;
  • თანდაყოლილი ანომალიები — 7.4 %-ით;
  • ტრავმები, მოწამვლები და გარეშე მიზეზების ზემოქმედების ზოგიერთი სხვა შედეგები გაზრდილია 53.5 პროცენტით.