"ძაღლი ყეფს, ქარავანი მიქრის", — ასე გამოეხმაურა ოკუპირებული აფხაზეთის ე.წ. საგარეო საქმეთა მინიტრი, დაურ კოვე საქართველოს საგარეო საქმეთა სამინისტროს განცხადებას სოხუმის აეროპორტთან დაკავშირებით.

"საქართველოს საგარეო საქმეთა სამინისტროს განცხადება აფხაზეთსა და სხვა ქვეყნებს შორის საერთაშორისო საავიაციო მიმოსვლის მიუღებლობაზე არის სამყაროსგან აფხაზეთის იზოლირების მორიგი, ნაცნობი მცდელობა. არ გამოვა", — წერს ე.წ. მინისტრი.

საქართველოს საგარეო საქმეთა სამინისტრომ გუშინ, 29 ივლისს გაავრცელა განცხადება, სადაც აღნიშნავდა, რომ ოკუპირებული აფხაზეთის რეგიონში ვერ მოხდება საერთაშორისო ფრენების განხორციელება, ვინაიდან, ეს ეწინააღმდეგება საერთაშორისო სამართალს, ICAO-ს წესდებას და საქართველოს კანონმდებლობას.