შეკვეთილში სასტუმროს მშენებლობიდან ორი მუშა გადმოვარდა. მათგან ერთი ადგილზე გარდაიცვალა. ამის შესახებ ინფორმაცია On.ge-ს შინაგან საქმეთა სამინისტროში დაუდასტურეს.

უწყების ინფორმაციით, საქმეზე გამოძიება სისხლის სამართლის კოდექსის 240-ე მუხლის მეორე ნაწილით დაიწყო. ამ მუხლით სამშენებლო სამუშაოების დროს წესების დარღვევის გამო ადამიანის გარდაცვალება ისჯება შინაპატიმრობით ექვსი თვიდან ორ წლამდე ვადით ანდა თავისუფლების აღკვეთით ვადით ორიდან ხუთ წლამდე.