ხულოში ავტოსაგზაო შემთხვევის შედეგად ბაბუა და შვილიშვილი დაიღუპა. დაშავდა კიდევ ერთი ადამიანი, რომელიც საავადმყოფოშია გადაყვანილი. ამის შესახებ On.ge-ს შინაგან საქმეთა სამინისტროში უთხრეს.

უწყების ცნობით, მანქანა სამანქანო გზიდან ხევში გადავარდა. გამოძიება სისხლის სამართლის კოდექსის 276-ე მუხლის მეშვიდე ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.