"მესმის ცდუნება პირდაპირ ეთერში 4-სათნახევარი მოქმედი გენპროკურორი დაკითხო", — ასე უპასუხა შალვა თადუმაძემ იუსტიციის უმაღლესი საბჭოს თავმჯდომარის უფლებამოსილების შემთავსებლის, დიმიტრი გვრიტიშვილის შეთავაზებას შესვენების შესახებ. გვირიტშვილმა გასაუბრებაზე განაცხადა, რომ არამოსამართლე წევრს, ანა დოლიძეს მორიგი შეკითხვა აქვს. თადუმაძემ კი აღნიშნა, რომ პრობლემა არ აქვს კითხვებს უპასუხოს.

მანამდე თადუმაძემ განაცხადა, რომ მეორე არამოსამართლე წევრის ნაზი ჯანეზაშვილის აცილება სურდა. თუმცა, თადუმაძემ იქვე უარი თქვა აცილების საკითხზე და საბჭოს წევრს თავისი უფლებამოსილების ცოდნისკენ მოუწოდა.

შალვა თადუმაძე დღეს, 23 ივლისს იუსტიციის უმაღლეს საბჭოში გასაუბრებას გადის. ის უკვე ერთი წელია, რაც გენერალური პროკურორია. მანამდე, ექვსი წლის განმავლობაში, მთავრობის ადმინისტრაციის საპარლამენტო მდივანი იყო. თადუმაძე ეწეოდა საადვოაკტო საქმიანობას. ის ბიძინა ივანიშვილის პირადი იურისტი იყო.

ამავე თემაზე: