მთავარი პროკურორი, შალვა თადუმაძე ამტკიცებს, რომ არ იცის, რა პრობლემები აქვს ლგბტ თემს საქართველოში. ასე უპასუხა მან იუსტიციის უმაღლესი საბჭოს გასაუბრებაზე დასმულ კითხვას, სადაც უზენაესი სასამართლოს მოსამართლეობის კანდიდატად იმყოფება.

"არ ვიცი, რა პრობლემატიკა აქვთ, მართალი გითხრათ. თუმცა, მასმედიით საშუალებით... გულწრფელად რომ გითხრათ, ერთი წელი მასმედიის საშუალებებზე არ მიყურებია. ჩემს ინფორმაციულ უზნუველყოფაზე ზრუნავს ჩემი საზოგადოებასთან ურთიერთობის სამსახური, ამიტომ ის დეტალები არ ვიცი, რა პრობლემატიკის წინაშეა", — განაცხადა მან.

ამავდროულად, თადუმაძემ აღნიშნა, რომ ადამიანის უფლებები დაცული უნდა იყოს განურჩევლად მათი სექსუალური ორიენტაციისა. მანვე აღნიშნა, რომ "არ გაიპრანჭება და არ იტყვის", რომ ანტიდისკრიმინაციული კანონის შექმნაში არ მონაწილეობდა. მისინ თქმით, ეს კანონი მაშინაც და ახლაც ქვეყნის დემოკრატიული მომავლისთვის მნიშვნელოვნად მიაჩნდა.

სახალხო დამცველის ისევე, როგორც ქართული და უცხოური არასამთავრობო ორგანიზაციების არაერთ ანგარიშში აღნიშნულია, რომ ლგბტ თემის წევრები საქართველოში ჩაგვრის და დევნის მსხვერპლი არიან.

შალვა თადუმაძე დღეს, 23 ივლისს იუსტიციის უმაღლეს საბჭოში გასაუბრებას გადის. ის უკვე ერთი წელია, რაც გენერალური პროკურორია. მანამდე, ექვსი წლის განმავლობაში, მთავრობის ადმინისტრაციის საპარლამენტო მდივანი იყო. თადუმაძე ეწეოდა საადვოაკტო საქმიანობას. ის ბიძინა ივანიშვილის პირადი იურისტი იყო.

ამავე თემაზე: