გადაცემაში შეხვედრები რეგიონულ მედიასთან ბიძინა ივანიშვილი ამბობს, რომ უკრაინაში მიხეილ სააკაშვილს სთხოვენ, რომ არჩევნების შემდეგ ქვეყანა დატოვოს:

"თუმცა ეს არაა მთავარი. 4 საქმეა გამოძიებაში მაგაზე. წასასვლელი არ აქვს. ხავსს ეჭიდება. გაჭირვებული ხავსს ეჭიდებოდაო და კიდევ რაიმე უარესს არ გადაეყარნონ. მოვუწოდებდი, კანონს დაემორჩილონ და საკუთარ ქვეყანას ელემენტარული პატივი მიაგონ. 99,9 პროცენტით გარწმუნებთ, რომ როგორც ახლა მიდის იდეალური საარჩევნო პროცესი, პატარა გამოვლინებები... მე თავს უფლებას ვაძლევ: კორცხელიც მათი დადგმული იყო და გოგონებს სცემეს, ეს არის რაც მათ [ენმ-ს] რესურსი დარჩათ. თუმცა, გამოძიებამ უნდა თქვას ბოლო სიტყვა".

ჟურნალისტმა, მიშა ფეიქრიშვილმა ივანიშვილს თავისი განცხადება შეახსენა, რომლის თანახმადაც ქართული ოცნება პარლამენტში 95-100 დეპუტატს შეიყვანს და დაინტერესდა, ყოფილი პრემიერი ახლაც ასე ფიქრობ თუ არა, რაზეც ივანიშვილმა უპასუხა:

"პარტიული სია სადაცაა, მე ვფიქრობ, რომ 48-დან 54 პროცენტამდე დიაპაზონში ქართული ოცნება მიიღებს, მაჟორიტარულ არჩევნებში კი მინიმუმ 60, მაქსიმუმ 70 მაჟორიტარი უნდა გაიყვანოს ქართულმა ოცნებამ. პარტია აბსოლუტური დომიმანტია და დიდი უპირატესობით უგებს ყველაზე ახლოს მყოფ მიმდევარს, 2,5-3-ჯერ უსწრებს მას. მეორე ტურები რასაც ამბობენ, რომ ტრაგედია იქნება და ამ დროს უამრავი მეორე ტური იქნება და მე ეს რომ ვთქვი, აი, როგორც იქნა თქვა და ესეც რუსთავი 2-მა ააგორა. მეორე ტური იქნება ბევრი და იქნება იმ მიზეზით, რომ მაჟორიტარების უპრეცედენტო რაოდენობა იღებს მონაწილეობას არჩევნებში".