მორიგი კანკალის შემდეგ გერმანიის კანცლერი, ანგელა მერკელი ჰიმნს დამჯდარი უსმენს. როგორც The Guardian წერს, დანიის პრემიერ-მინისტრთან შეხვედრისთვის კანცლერმა პროტოკოლის შეცვლა ითხოვა.

11 ივლისს ბერლინში ოფიციალური ვიზიტისას, ჰიმნის შესრულების დროს მერკელი დანიის პრემიერთან, მეტე ფრედერიკსენთან ერთად სკამზე იჯდა, რაც, ზოგადად, მიღებული არაა. გავრცელებულ ვიდეოებსა და ფოტოებში ჩანს, რომ გერმანიის კანცლერი მშვიდად გამოიყურებოდა და ბევრს იღიმოდა.

გერმანიის კანცლერის ჯანმრთელობის მდგომარეობაზე აქტიურად საუბარი მას შემდეგ დაიწყეს, რაც ბოლო ერთი თვის განმავლობაში ოფიციალური შეხვედრისას ის სამჯერ გახდა შეუძლოდ. უკრაინის პრეზიდენტ ვოლოდიმირ ზელენსკისთან ერთად ჰიმნის მოსმენისას მან ძლიერი კანკალი დაიწყო. იგივე მას გერმანიის პრეზიდენტთან და ფინეთის პრემიერთან შეხვედრისას დაემართა. პირველ ჯერზე მან კანკალი გაუწყლოებას დაუკავშირა და აღნიშნა, რომ თავს უკეთ გრძნობდა. კანცლერის წარმომადგენლები ყოველ ჯერზე ამბობდნენ, რომ მერკელი თავს კარგად გრძნობს და მუშაობს ჩვეულ რეჟიმში განაგრძობს.