პატრიოტთა ალიანსის წევრი, ადა მარშანია ტელეწამყვან გიორგი გაბუნიას დაპატიმრებას ითხოვს. მარშანია Facebook-ის გვერდიდან მთავარ პროკურორს, შალვა თადუმაძეს მიმართავს.

"თადუმაძე, აუუუ! არსებობთ, როგორც პროკურორი, საერთოდ ქვეყანაში? სად ბრძანდებით? რატომ არ არის აქამდე დაპატიმრებული გაბუნია? ამ საქმეში მხოლოდ პუტინის გინების პრობლემაა? ჩვენ, საზოგადოებას შეურაცყოფა არ მოგვაყენეს?! თუ ბელადის ბრძანებას ელოდებით?!" — წერს დეპუტატი.

რუსთავი 2-ის პირდაპირ ეთერში წამყვანმა, გიორგი გაბუნიამ რუსეთის პრეზიდენტს აგინა. მან არაეთიკურად და შეურაცხმყოფლად მოიხსენია პუტინის გარდაცვლილი მშობლებიც. გაბუნიას ქცევა არხმა კატეგორიულად დაუშვებლად მიიჩნია და გაემიჯნა. მთავრობის წარმომადგენლებმა კი ეს ქვეყნის წინააღმდეგ ომად შეაფასეს.