დუეინ ჯონსონი, კევინ ჰარტი, კარენ გილანი და ჯეკ ბლექი ისევ ჯუნგლებში ბრუნდებიან. სონიმ ახალი ფილმის - Jumanji: The Next Level-ის პირველი ტრეილერი გამოაქვეყნა. ფილმი 2017 წელს გამოსული Jumanji: Welcome to the Jungle-ის სიქველია.

ახალ თავგადასავალში ბანდა ჯუმანჯიში ბრუნდება და აღმოაჩენს, რომ ვიდეო თამაშების სამყარო ცოტა განსხვავებულად გამოიყურება. ამ შემთხვევაში თვისთი იმაში მდგომარეობს, რომ ჯუმანჯის სამყაროში ორიგინალი მოთამაშეების ბაბუები მოხვდებიან, რომლებსაც დენი დევიტო და დენი გლოვერი თამაშობენ. ახალ მოთამაშეებს საკმაოდ მკაცრი პირობების გავლა მოუწევთ, რათა გაექცნენ დაფარულ საფრთხეებს და გადაარჩინონ ჯუმანჯი.

"ეს თავგადასავალი უფრო გამომწვევია და გახსოვდეთ, რომ ჯუმანჯის მომავალი თქვენს ხელშია", — ამ სიტყვებით თამაშის მონაწილეებს ჯუმანჯის გიდი მიმართავს, რომლის როლსაც რაის დერბი ასრულებს.

Jumanji: Welcome to the Jungle 1995 წელს გამოსულ ფილმზე დაყრდნობით შეიქმნა, რომელში რობინ უილიამსი თამაშობდა. ფილმმა მსოფლიოს მასშტაბით $962 მილიონი შეაგროვა.

ჯუმანჯის ახალი ფილმი ეკრანებზე 2019 წლის 13 დეკემბერს გამოვა.