ახალი თბილისის ტერიტორიაზე საფეხბურთო და სარაგბო 7 მოედნის მშენებლობა იგეგმება. როგორც საქართველოს მთავრობის პრეს სამსახური აცხადებს, სპორტული ინფრასტრუქტურის განვითარების სახელმწიფო მიზნობრივი პროგრამის ფარგლებში 2016-2017 წლებში ქვეყნის მასშტაბით სულ 20 მოედანი აშენდება.

პროექტის ფარგლებში მოედნების მშენებლობები იგეგმება თბილისში, რუსთავსა და ქუთაისში. მისი საერთო ღირებულება 9, 410, 000 ევრო იქნება. სამშენებლო სამუშაოებს კი სლოვაკური კომპანია Autokomodex Trnava spol.sro ჩაატარებს.

როგორც მთავრობის პრეს სამსახური აცხადებს, 2017 წელს ახალი მოედნებით საქართველო ევროპის ფეხბურთის ჩემპიონატს 19 წლამდელთა შორის და 20 წლამდელთა შორის რაგბის მსოფლიო ახალგაზრდულ ჩემპიონატს უმასპინძლებს.