22 ივნისს პარლამენტის წინ აქციაზე შეკრებილი მოქალაქეები თითქმის უკვე დაიშალნენ. აქცია 23 ივნისს, 19 საათზე გაგრძელდება.

"ხვალ, 7-ზე მოვდივართ სამსახურში, საქართველოს სამსახურში" — განაცხადა აქციის ერთ-ერთმა გამომსვლელმა.

აქციის დაშლამდე პარლამენტის შენობიდან ქართული ოცნების ოფისამდე და უკან მსვლელობა გაიმართა.

თბილისში აქცია მესამე დღეა იმართება. აქცია #სირცხვილია მას შემდეგ დაიგეგმა, რაც საქართველოს პარლამენტში, პარლამენტის თავმჯდომარის სავარძელი რუსმა დეპუტატმა დაიკავა.

აქციის მონაწილეებს სამი მოთხოვნა აქვთ:

  • გადაგდეს შს მინისტრი გიორგი გახარია;
  • გაათავისუფლონ 20 ივნისის ღამით დაკავებული მოქალაქეები;
  • შეიცვალოს საარჩევნო სისტემა და 2020 წელს პროპორციული სისტემით ჩატარდეს საპარლამენტო არჩევნები.