პრემიერ-მინისტრი, მამუკა ბახტაძე ამბობს, რომ ის, რაც პარლამენტთან მიმდინარეობს, არის პროვოკაცია. ამის შესახებ პრემიერმა პარლამენტში განაცხადა.

"საზოგადოებას მსურს მივმართო, დიახ, მეგობრებო, თქვენი პროტესტი არის სამართლიანი და მე ვარ თქვენ გვერდით, მაგრამ ამავე დროს ეს უპასუხისმგებლო ძალა ცდილობს, პროვოკაციისთვის გამოიყენოს. ქართულმა სახელმწიფომ ამის საშუალება მას არ უნდა მისცეს და არ მისცემს", — თქვა პრემიერმა.

ის ახალგაზრდებს მიმართავს და ამბობს, რომ ის მათ გვერდითაა.

"თქვენი პროტესტი არის სამართლიანი და მე ვარ თქვენ გვერდით, ამავე დროს, თითოეული თქვენგანი ადევნებს თვალს, როგორ ცდილობენ, თქვენი გულწრფელი პროტესტი გამოიყენონ თავიანთი პროვოკაციისთვის", — თქვა პრემიერმა.