დისნეის ცნობილი ანიმაციის მონსტრების კორპორაციის მიხედვით ანიმაციურ სერიალს გადაიღებენ, რომლის სახელიც მონსტრები სამსახურში იქნება, პრემიერა კი 2020 წელს შედგება. ახალ სერიალზე თითქმის ყველა მსახიობი იმუშავებს, რომლებიც 2001 წელს გამოსული ანიმაციის პერსონაჟებს ახმოვანებდნენ.

ტაილორ ტუსკმონი მაიკ ვაზოვსკისა და სალივანთან ერთად ერთ-ერთი მთავარი პერსონაჟია. ამბავი მონსტრების კორპორაციის მოვლენებიდან ექვსი თვის შემდეგ გრძელდება, როდესაც ქალაქ მონსტროპოლისს "შიშების" მაგივრად, ენერგიით "სიცილი" ამარაგებს. კორპორაციის თანამშრომლებს საკუთარი იუმორის გამოცდა სურთ, ერთერთი მათგანი კი ტაილორია.

სამსახიობო გუნდის ახალი წევრი, ბენ ფელდმანი თავის პერსონაჟს ინსტაგრამზე გვაცნობს.

"ერთი სული მაქვს გაგიზიაროთ პირველი ნახატი, თუ როგორი იქნება ჩემი პერსონაჟი ტაილორ ტუსკმონი, სულსწრაფი და ნიჭიერი მექანიკოსი. რომელსაც დისნეის ახალ სერიალში იხილავთ 2020 წელს. ძალიან მიხარია, რომ მეც ამ ოჯახის ნაწილი ვხდები. თუ არ მოგეწონებით, ნუ იდარდებთ, მაიკი და სალივანი(ანიმაციიდან) ბრუნდებიან."

სერიალის პრემიერა ახალ სტრიმინგ სერვისზე შედგება, რომელსაც დისნეი შემოგვთავაზებს Disney+ -ის სახელით. სტრიმინგ სერვისი ნომბერში ჩაირთვება.