გადაცემაში შეხვედრები რეგიონულ მედიასთან ბიძინა ივანიშვილმა განაცხადა, რომ რუსთავი 2-ის ჟურნალისტები მასთან შეკითხვებით აღარ მიდიან, რადგან მიხვდნენ, რომ ივანიშვილმა ისინი "შეიცნო":

"ეს შეკითხვა რუსთავი 2-მა დამისვა და ავირიდე. რუსთავი 2-ის მიზანი ის კი არ არის, პატრიოტიზმი რა არის და მისი განმარტება. ცდილობენ ახლა როგორმე, რომ არის ივანიშვილი და სააკაშვილი, რომ ბრძოლა მიდის 2 კაცს შორის. და მეორე კითხვის დასმასაც ცდილობდა სამეგრელოში რუსთავი 2, აი ნახეთ როგორი ტელევიზიაა, საოცარია, როგორ აქვთ ყველაფერი დალაგებული: მეორე კითხვას მეკითხებოდა, თუ გაიმარჯვებს ენმ, გაფორმდება თუ არა ეს ყველაფერი ყოველგვარი რევოლუციის და ძალადობის გარეშე. ვეუბნები რომ ვერ გაიმარჯვეს. ერთადერთი უნდოდა, რომ მერე ამოეჭრა, ენმ რომ გაიმარჯვებს, ივანიშვილი... ჩადებული აქვთ აზრი, როგორ გააფორმონ და კითხვასაც ამის მიხედვით გისვამენ. რუსთავი 2 ჩემთან შეკითხვებზე აღარ მოდის, რადგან ნახა, რომ ეგენი შევიცანი. ისეთ კითხვებს სვამენ, რომ ინტრიგანული სათაური გამოიტანონ. კითხვაც არ აქვთ. მოწვევა ვთხოვე, ვერ მიმიწვიეს, ვერ გაბედეს. მიბლანდეს, მობლანდეს".

შეხვედრები რეგიონულ მედიასთან - ასე ჰქვია ტელეკომპანია GDS-ის ახალ საარჩევნო პროექტს, რომელშიც ყოფილი პრემიერმინისტრი, ბიძინა ივანიშვილი მონაწილეობს. გადაცემას 20:30-ის ჟურნალისტები ნათია თოიძე და მიხეილ ფეიქრიშვილი უძღვებიან