ეროვნული ბანკის მონაცემებით, 29 მაისის კურსით ერთი დოლარის ღირებულება 2,7876 ლარს გაუტოლდა, რაც ლარის ისტორიაში ყველაზე მაღალი მაჩვენებელია.

28 მაისს ეროვნული ვალუტა დოლართან მიმართებაში 0,65 თეთრით, ხოლო ევროსთან მიმართებაში 0,53 თეთრით გაუფასურდა.

29 მაისისთვის ლარის საშუალო საბაზრო ღირებულება 2,79 ლარი, ხოლო ევროსი 3,12 ლარი იქნება. ამ მაჩვენებლით ლარმა ისტორიული ანტირეკორდი დაამყარა, აქამდე ლარის გაცვლითი კურსის ანტირეკორდი 2016 წლის 22 დეკემბერს დაფიქსირდა, მაშინ ერთი დოლარის ღირებულება 2,7846 ლარი იყო. ბოლო პერიოდის განმავლობაში ლარი ყველა მთავარ უცხოურ ვალუტებთან მიმართებაში თითქმის ყოველდღიურად უფასურდებოდა.