"ალბათ ეს საკითხი უმრავლესობის სხდომაზე უნდა განვიხილოთ", — ხუმრობით გამოეხმაურა იურიდიულ საკითხთა კომიტეტის თავმჯდომარე, ანრი ოხანაშვილი ეკა ბესელიას პარტიის შექმნას. იგი ამბობს, რომ ამ საკითხს სერიოზულად ვერ აღიქვამს.

"ვერ აღვიქვამ იმდენად მნიშვნელოვნად და სერიოზულად, რომ კომენტარი გავაკეთოთ, იქნებ ფრაქციის სხდომაზეც განვიხილოთ", — განაცხადა ანრი ოხანაშვილმა.

ქართული ოცნებიდან წასულმა დეპუტატმა, ეკა ბესელიამ ყოფილ თანაპარტიელებთან, გედევან ფოფხაძესთან და ზვიად კვაჭანტირაძესთან ერთად პარტია შექმნა. ბესელიას თქმით, ეს იქნება ევროპულ-კონსერვატიული მოძრაობა, რომელსაც "თავისუფლებისთვის" ერქმევა. მისივე თქმით, პარტიის ყრილობა 20 ივნისს გაიმართება.