ჯანდაცვის სამინისტროდან საჯარო ინფორმაციის სახით გამოთხოვილი ანგარიშიდან ირკვევა, რომ 2019 წლის იანვრიდან 18 აპრილამდე პერიოდში შრომის ინსპექტირების დეპარტამენტმა 261 ობიექტი შეამოწმა, აქედან, 18 განმეორებით. სულ გამოვლინდა 1000-ზე მეტი დარღვევა.

ამ მონაცემების პროცენტული განაწილებით იკვეთება, რომ დარღვევების ყველაზე მეტი, 11 პროცენტი რისკების შეუფასებლობაზე მოდის, 10 პროცენტი უსაფრთხოების სპეციალისტის არყოლაზე, 9 პროცენტი კი ალკოჰოლის უკონტროლობასა და დაცვის საშუალებების უგულებელყოფაზე.

დარღვევათა პროცენტული განაწილება

  • 11 პროცენტი ნაწილდება რისკების შეუფასებლობაზე;
  • 10 პროცენტი — უსაფრთხოების სერტიფიცირებული სპეციალისტის არ ყოლა და ინდივიდუალური დაცვის საშუალებების უქონლობა/ გამოუყენებლობა;
  • 9 პროცენტი — ალკოჰოლის უკონტროლობა, კოლექტიური დაცვის საშუალებების უგულებელყოფა, პირველადი სამედიცინო დახმარების უზრუნველყოფისთვის მოუმზადებლობა;
  • 8 პროცენტი — სწავლება/ტრენინგების ჩაუტარებლობა, მიკროკლიმატის უკონტროლობა;
  • 7 პროცენტი — მანქანა-დანადგარების უსაფრთხოების უკონტროლობა;
  • 5 პროცენტი — უბედური შემთხვევის დაზღვევის უქონლობა;
  • 3 პროცენტი — სწავლების გეგმის უქონლობა, მომეტებული ხმაური;
  • 2 პროცენტი — მაღალი წნევის ბალონების განთავსების წესის დარღვევა;
  • 1 პროცენტი — კუსტარული დანადგარების გამოყენება.

ამავე თემაზე: