ხანდახან უბრალო კარგი საქმეები უკან დიდი შედეგით გვიბრუნდება. მაგალითად, ამ აიდაჰოელმა კაცმა სახლისკენ გზაზე თავისი დოლარები უსახლკარო კაცს მისცა, დარჩენილი ფულით კი ლატარიის ბილეთი იყიდა.

მეორე დღეს, მან ჯეკპოტი, 200 ათასი დოლარი მოიგო.

"ეს ნამდვილი კარმაა", — თქვა გამარჯვებულმა ბრენდონ სედინმა.

როგორც ის ამბობს, მაღაზიაში პროდუქტების ყიდვის შემდეგ სახლში ბრუნდებოდა, როცა უსახლკარო შენიშნა და მას ფულით დაეხმარა. შემდეგ კი იფიქრა, რომ დარცენილი ფულით ბილეთები ეყიდა:

"ხშირად არ ვთამაშობ, მაგრამ ისეთ განწყობაზე ვიყავი, რომ ვიფიქრე, ბილეთი უნდა მეყიდა".

სედინის მოგებული თანხა Juggernaut Jackpot-ის თამაშში ყველაზე დიდი ჯეკპოტი იყო. როგორც იღბლიანი კაცი ამბობს, ის ფულის დაზოგვას და მის ინვესტირებას გეგმავს.