საქართველოს შინაგან საქმეთა სამინისტროს ინფორმაციით, ჯგუფურად ჩადენილი ყაჩაღობის ბრალდებით 2 პირი დააკავეს:

"გამოძიებამ დაადგინა, რომ მიმდინარე წლის 17 სექტემბერს ავტომატური ცეცხლსასროლი იარაღებით შეიარაღებული, ნიღბიანი ბრალდებულები თბილისში, ვაზისუბნის დასახლებაში მდებარე სავაჭრო ცენტრ სმარტში განთავსებულ საქართველოს ბანკისა და ლიბერთი ბანკის ფილიალებს თავს დაესხნენ და დიდი ოდენობით ფული გაიტაცეს. შემდეგ სავაჭრო ცენტრის მიმდებარე ტერიტორიაზე მოქალაქე ი.ბ.-ს იარაღის მუქარით ავტომანქანა ჰონდა ფიტი გასტაცეს და მიიმალნენ."

გამოძიება საქართველოს სისხლის სამართლის კოდექსის 179-ე მუხლის მორე და მესამე ნაწილით მიმდინარეობს. მეორე მუხლი გულისხმობს ყაჩაღობას ჯგუფურად, ასევე სატრანსპორტო საშუალების წინააღმდეგ და ითვალისწინებს პატიმრობას ექვსიდან ცხრა წლამდე, ხოლო მესამე მუხლი გულისხმობს იგივე ქმედებას, რომელიც ჩადენილია არაერთგზის, ბინაში უკანონო შეღწევით, ან დიდი ოდენობით ნივთის დაუფლების მიზნით. აღნიშნული დანაშაული რვიდან თორმეტ წლამდე პატიმრობით ისჯება.

17 სექტემბერს, ვაზისუბანში, სუპერმარკეტ სმარტში მდებარე საქართველოს ბანკისა და ლიბერთი ბანკის ფილიალებში ნიღბიანი და შეიარაღებული პირები შეიჭნენ.