Google დოლარის კურსს ლართან მიმართებაში შეცდომით აჩვენებს. გუგლის მიხედვით, ერთი აშშ დოლარი 4 ლარი და 69 თეთრი ღირს. ეროვნული ბანკის კურსით კი ერთი აშშ დოლარი 2,69 ლარია.

მსგავსი შეცდომა 2019 წლის დასაწყისში პაკისტანურ რუპიაზეც დაფიქსირდა. როგორც მოგვიანებით გაირკვა, შეცდომა ბლუმბერგის ბრალი იყო, საიდანაც გუგლი გაცვლითი კურსის შესახებ იღებს ინფორმაციას. გარდა ბლუმბერგისა, გუგლი მსგავს მონაცემებს სხვადასხვა პარტნიორი ორგანიზაციიდან, ბირჟიდან და ფინანსური ინსტიტუციიდან იღებს და შეცდომებიც, სავარაუდოდ, მიმწოდებელს უკავშირდება.